266/2023-2024

Vawiin khan Er. Lalrinawma, Minister, SW&TA, AH&Vety, etc. chuan Tuikum Bial Zirlai Pawl General Assembly, MZP Conference Hall-a neihah Khuallian niin a hmanpui.

Khuallian Social Welfare Minister Er. Lalrinawma chuan zirlai kalkhawmte chu mahni inthunun thiam leh thil tumah chiang chunga theihtawp chhuah tur leh an vela hnathawh tur awm apiangte a hniam emaw a sang emaw thawk thiam tura chahin, hemi kawngah hian theihtawp chhuah a pawimawh a ni a ti. Zirlaite chu nakin lawka khawtlang leh ram hruaitu ni mai tur leh mipuite innghahna tur an nih thu sawiin, nun uluka ruihlo lakah fihlim tur leh Pathian rawn chung zela theihtawp chhuah turin a chah. Khuallian Er. Rinawma chuan bial a enkawlna kawngah zirlaite leh bial mipuite nen thawhhona thatak an neih thin chu lawmawm tiin hmasawnna hna thawhna kawngah thurawn leh rawtna a hnena thlen zel turin a sawm a ni.

Vawiin Tuikum Bial Zirlai Pawl Assembly hi B. Lalrohlua, Asst. Secretary-in a kaihruai a; Gen. Secretary B.Lallawmkima hnen atangin report ngaihthlak a ni. President Pu Krosthanga pawhin thusawina hun a neiin Chawhnu lamah hruaitu thar thlanna an nei nghal a ni.