670/2023-2024

Lunglei the 2nd June, 2023 - Social Welfare & Tribal Affairs Minister Er Lalrinawma hovin vawiin khan Lunglei DC Conference Hall-ah Ruihhlo Do chungchang meeting neih a ni. Minister hi Aizawl atangin SW&TA Joint Director Pi C. Zodinpuii leh SW&TA official dangten an rawn tawiawm a ni.

Social Welfare & Tribal Affairs Minister Er Lalrinawma chuan kan State hi ruihhlo in nasa taka min luh chilh chhoh mek zel avangin a do kawngah mitinten tan kan lak a tul takzet a ni, a ti a. SW&TA Department hmalakna 'Ruihhlo Do' chu Lunglei District-ah hlawhtling taka kalpui ngei anih theihnan mawhphurna chelhtu kalkawmte chu thahnemngai taka thawk tur leh harsatna an neihte pawh Department ah thlen thuai thin turin a chah a ni.

'Ruihhlo Do' hnuaia Lunglei District-a hmalakna kal mekte leh hmachhawpte Lunglei Additional DC Pu Donny Lalruatsanga hnen atangin report ngaihthlak a ni a. Lunglei District huamchhunga Ruihhlo Do kawnga beihpui thlakna tur hian sawrkar atangin cheng nuai sarih (7) fund dawn a ni a. He Fund hi tangkai thei ang bera hman anih theihnan Lunglei District Level Committee on Ruihhlo Do chuan ruahmanna mumal tak a siam tawh a. Lunglei District-a Middle, High leh Higher Secondary School 52 zirlai te tan June leh July chhung hian Awareness Campaong neih tum a ni a. Additional DC , Lunglei Chairman na hnuaiah District Core Committee on Ruihhlo Do pawh siam tawh niin he Committee hian roadshow, painting competition, sloan inziah siak, short film competition, student rally te an buatsaih chho dawn a. Ruihhlo Do kawnga zirtirna leh training pe tur Master Trainer te pawh MHIP leh Grace Society atangin thlan fel tawh an ni.

Excise and Narcotics Department, Lunglei District hotute report danin kumin January atanga May thla chhungin Lunglei District-ah Narcotic Drugs and Psychotropic Substances Act, 1985 (NDPS) case 41 awm tawhin mi 46 man an ni a, hemi hun chhung hian heroin gram 635, ganja gram 597, Alprazolam mum 382 leh khuh damdawi 892 man tawh a ni. Heng case-ah te hian Burma raltlan man anla awmlo na in case an chhui naah ruihhlo tawlh lamah raltlante thui taka an in rawlh ngei tih an hmuhchhuah thu Excise & Narcotics Department hotu te chuan an report bawk a ni.

He meeting-ah hian sawrkar official-te, Juvenile Justice Board leh Child Welfare Committee hotute, MJA Lunglei hotute, Zirna In hrang hranga NSS Programme Officer-te, Special Juvenile Police Unit-te, kohhran hruaitute, Southern Market Association hruaitute, VC Association hotute leh tlawmngai pawl hrang hrang aiawhte an tel a ni.

Attachment

  • Loading attachment...