Vawiin khan Social Welfare Minister Pu P.C.Lalthanliana kaihruaina hnuaiah ruihhlo do chungchanga thutkhawmna hun a pisa-ah neih a ni a. Ruihhlo do Core Committee hnuaia Sub-Committee an ni. Meeting-ah hian ram pum huapa ruihhlo do chungchanga hmalakna tur te, kalpui dan tur te sawiho a ni a. He dona project hi Project Ralvengtu tia vuah niin sawrkar leh NGO te ruihhlo dona kawngah an thawkho dawn a ni.

Meeting-ah hian kum 2016-2017 chhunga thalaiten vaihlo, zu, ganja leh ruihtheih thil dang an hman tan hun  zirchianna Social Welfare in an lo neih tawh atangin tarlan a ni a. School hrang hrangah ruihhlo dona atan inhrilhhriatna hun neih tum a ni a. Aizawl khawpui bikah chuan multimedia leh camping hmangin kalpui tum a ni a. YMA, Excise, Police, Federation of Indian NGOs for Drug Abuse Prevention (FINGODAP) leh thalaite atangin Master Trainer thlanchhuah tum a ni a. Memberten chak taka hmalak a nih theih nan rawtna hrang hrang an siam a ni.

Meeting-ah hian Social Welfare Department, H&FW (FDA), Police Department, Mizoram Kohhran Hruaitu Committee (MKHC), Excise and Narcotics Department, MSACS leh YMA hotute an tel a ni. State Level Core Committee on Ruihhlo do thurel bawhzuina in an thukhawm a ni.