Vawiin chawhnu dar 1:00 khan Pu P.C. Lalthanliana Minister SWD & LAD chuan Mizo Professional Footballer Association leh Lunglei District Football Association te buatsaih Charity match a hman pui a, he charity match a sum lut hi Lunglei Civil Hospital leh Christian Hospital a damlo harsa zualte tanpui nan hman a ni ang.

Minister chuan MPFA leh LDFA ten tanpui ngai zawk leh mi harsate an theihnghilh lo chu entawn tlak a nih thu a sawi a. Chief Minister leh Sports Minister te thawhrimna avangin infiamna hmun tha tak tak a lo awm ta chu thalai ten duh tawk mai lo tur leh heng inkhelhna mual leh Stadium tha te hi hmang tangkai turin thalai te a chah a. Sawrkar thil tum ber chu Sport Infrastructure tha hmanga infiamna khawvela infiam mite phochhuah a ni a ti.

Vawiin Charity match Programme ah hian Lunglei Dist. atangin I-Leaque khel pha Jeje Lalpekhlua, Hnahthia, Lalrindika Ralte, Electricveng Lunglei, S. Malsawmtluanga. S. Vanlaiphai leh Lallawmzuala, Thingsai te hnenah chawimawina thuziak hlan an ni. Lunglei XI vrs MPFA team leh Didika Team vrs Jejea Team ten exhibition Match khel in MPFA President Robert Lalthlamuanan MPFA dinchhan a sawi bawk a ni.