3035/2023-2024

Aizawl, the 14th December, 2023: Mizoram Sawrkar thara Social Welfare, Tribal Affairs, Women & Child Development Department Minister Pi Lalrinpuii chuan nimin khan MINECO Secretariat Conference Hall No-2 ah Department hotute kawmin inhmelhriatna hun a hmanpui.

He hunah hian Social Welfare, Tribal Affairs, Women & Child Development Minister Pi Lalrinpuii chuan kalkhawmte fuihna thu sawiin, inhmelhriatna hun hman a ni a. Social Welfare, Tribal Affairs, Women & Child Development hnuaia central scheme hrang hrang awmte leh Mizorama kalpui tawh dante, project kal lai leh hmachhawpte ngaihthlak a ni a. Department hotute chuan chak zawka hmalak a nih theih nana bawhzui tul angte leh pawimawh ni a an hriatte Minister hi an hrilh bawk.

Meeting-ah hian Power Point Presentation hmangin Social Welfare, Tribal Affairs, Women & Child Development Department kaltlanga scheme hrang hrang kalpui hnuaia hlawhtlinna leh hnathawhte thlir ho a ni.