3034/2023-2024

Champhai the 13^th December, 2023 – Champhai District Magistrate Pu James Llrinchhana chuan a hnuaia Khapna Thupek dated 13^th December, 2023 a ti chhuak a ni:

Hunpui, Christmas leh Kumthar kan lo thleng leh dawn ta a, Mizoram sawrkar Home Department in khap tura a tih angin leh Champhai District mipuiten hlim leh thlamuang taka kan hman theihna turin, mihring hriselna atana tha lo leh mi hliam palh thei, mi tam tak nun tiraltitu, heng Halpuah, Halmawi, Sky Lantern leh naupang silai lem a mu kap chhuak thei chi te, kawl, zawrh, lakluh leh hman te khap a tul a;

Chuvangin, Kei, JAMES LALRINCHHANA DISTRICT MAGISTRATE,

CHAMPHAI DISTRICT CHAMPHAI chuan Section 144 Cr Pc, 1973 (Act-II of 1974) - in thuneihna min pek angin a hnuaia thupek hi ka chhuah e.

Champhai District huam chhungah, halpuah, halmawi, sky lantern leh naupang silai lem a mu kap chhuak thei te lakluh, zawrh leh hman khap tlat a ni.

He thupek hian chhuah a nih atanga thla 2 (hnih) chhung a huam ang. a zawm lote chu Section 188 IPC hmanga hrem an ni ang. 

He thupek hi Court Seal chhut hnanin Vawiin Ni 13.12.2023 hian hming ziak hnanin ka chhuah e.