Vawiin khan Social Welfare Minister Pu PC.Lalthanliana’n a office chamber ah tunhnaia Commissioner for Persons With Disabilities hna thar ruat chung changah Differently Abled Society hruaitute a kawm.

Minister chuan tun hnaia Persons With Disabilities (PWD) Commissionerate din chung chang sawiin PWD Act 1995 in a phut angin India ram state tinah Persons With Disabilities Commissionerate din a ni tawh a. Mizoramah harsatna hrang hrang avangin din thei lovin kan awm a. Tunhnaiah Chief Minister Pu Lal Thanhawla thahnemngaihna avangin bul kan tan thei hram a, hei hi thil lawmawm tak a ni a ti a.

Pu Lalthanliana chuan Differently Abled Society hruaitute chu tunhnai a Commissioner ruat chung changah Pi B.Sairengpuii, Asst. Commisioner hna lo kawp tawh thin ang leh chumi chhunga lungawihlohna leh hmasawnna engmah awmlo anga an hriatthute leh Commissioner hna chelh tlaka anngaihloh thute hrilhfiahin Asst. Commissioner hna hi Departmental promotion post a ni a; tunhnai maiah khan siam thar chauh niin mithar dah a ni chauh ani tiin Pi B.Sairengpuii hian a la thawk chhin lo a ni a ti a. Thawktu tur staff dangte pawh lak mek chauh an ni a ti.

Minister chuan PWD Act in a phut ang a Commissioner Post hi Experience nei thate dahna tur anih avangin Pi B. Sairengpuiii hi Social Welfare Department ah hun rei tak Secretary hna lo chelh tawh leh PWD chung chang pawha sul lo sutu a nih angin Mizoram sorkar chuan a ruat a ni tiin a hrilh a.

Hetiang a Sorkar hmalak tawhnate thlir thiam turin Differently Abled Society hruaitute chu a hrilh a; hun kal zelah Sorkarin an mamawhnate hriain theihtawp chhuahpui pawh a in huam a ni tiin a hrilh a ni.