Vawiin khan Social Welfare Minister  leh Lunglei North Assembly Constituency bialtu MLA ni bawk Pu P.C.Lalthanliana chuan Higher Secondary School, Zotlang sakna tur lungphum a phum.

He lungphum phumna hun hi C.Lalbiakchama, Board Vice Chairman in kaihruai in, Pu P.C.Lalthanliana chuan Zotlang mipuite mamawh tak School building sak ani tur chu lawmawm a tih thu a sawi a. Khawtlang tan a tangkai tak a nih a beisei thu a sawi. He school building hi school kal nan mai bak ah khawtlang in programme an neih pawh a hman tangkai theih tur a nih thu a sawi bawk.

Pu V.Lalrinzuala, Principal in Technichal report a pe a, he school building sak nan hian HPC Fund atangin cheng nuai 10 pek a ni a, a sak hna hi school board in an enkawl ang a ti a ni.

Lungphum phumna ah hian khawtlang hruaitute, tlawmngai pawl aiawhte an tel a ni.

Attachment

  • Loading attachment...