Vawiin khan Social Welfare Minister Pu PC Lalthanliana chuan Cheng Nuai 6 senga sak Mizo Upa Pawl In, Zotlang, Lunglei chu a hawng.

Hawnna inkhawm  Pu JT Kima, President, MUP Zotlang kaihhruaiah hian Pu PC Lalthanliana chuan thusawiin MUP In hawn theih a awm chu lawmawm a ti a, MUP member kalkhawmte hma ah Mizoram sawrkar hmalakna hrang hrangte sawiin,Upa te chu hnam zahawmna, khawtlang zahawmna, chhungkua zahawmna vawngtu an nih hre reng turin leh an pawimawhna ang taka khawsa a, MUP Pawl chu pawl zahawm tak ni zel turin a chah a ni.

He hun ah hian Rev. B.Thangchina'n hunserh a hmang a, Pu JT Kima, President MUP Zotlang chuan technical report pe in MUP in sakna tur hi MLA fund atang in Pu Pc Lalthanliana'n cheng nuai 6 a pe a, a dung 34ft a vang 14ft niin, 26th October, 2015 atangin 4th September, 2017 chhung sak a nih thu a sawi. Rev. Lalthangliana Hnamte in tawngtaina neiin chawhlui an kil ho a ni.