Tukin zing dar 7:00AM khan Swachh Survekshan, 2018 beihpui thlak kalpui mekna hnuaiah Siaha District Joint VC te huaihawtin Faina kawng zawh a ni a. Bus Station , New colony veng atangin kawng zawh hi tanin, Vety Kawn, New Siaha thleng an zawh a ni.

Bus Station-ah Kawngzawh programme hawnna programme tawi Pu VB.Sachai, Chairman Jt.VC kaihhruaina hnuaiah hman niin, Pu MH.Tiabi EM MADC in Faina chungchang fuihna thu a sawi. Vety Kawn, New Siaha-ah kawngzawh khar programme tawi hman ni lehin, Bialtu MLA Dr.K.Beichhua in Faina chungchangah mipui te mawhphurna leh Faina leh kan Hriselna inkungkaih tlat dan te sawina hun a hmang bawk.

Vawiin Faina kawng zawh-ah hian Don Bosco School, Foxall Higher Secondary School leh Children Training School zirlai naupang te an tel a ni.

Vawiin kawng zawh hawnna programme-ah hian NULM ten VC member te hnenah T-Shirt an sem nghal bawk a ni.