Nimin khan Lunglei Press Club-ah Lunglei District Mizoram Journalists Association (MJA) Annual Conference 2018 hman a ni a. Pu David L. Thangliana, MIS, Director I&PR Department chuan khuallian niin a hmanpui a, MJA General Headquarters Vice President Pu Zonunsanga Khiangte chu khualzahawm a ni.

He hun Pu Laltlanthanga, Vice President, MJA Lunglei District kaihhruaiah khuallian Pu David L. Thangliana, Director, I&PR Department chuan MJA Lunglei District-in Annual Conference 2018 an hmang chu duhsakna hlanin, Mizoram mai ni lo, khawvelin Journalist te hi a ngai pawimawhin a ngai hlu em em a, 'The Fourth Estate' tih hiala koh a nih thu a sawi. Hetih rual hian Journalist chuan thudik a tan tlat tur a ni a, a thuchhuah tur chu thudik a ni em tih finfiah hmasa lo va Social Media vela thil post chhuah nghal ngawt zel hi a him lo va, chuvang chuankanthuchhuah reng reng belhchian a dawlin a rintlak tur a ni, a ti.Kan nitin hnathawhna leh kan eizawnna kawngah Pathian kan hriat reng a pawimawh a, Journalism hi hna zahawm a nih angin, Journalist chu amah pawh a invawng zahawmin, a nunah miten entawn tur an neih a ngai a, chutiang tur chuan mahni nun theuh pawh i vawng uluk ang u, a ti.

Mizoram sawrkar chuan Journalist te a ngaihluin a ngai pawimawh em em a, tunhnaiah pawh NEDP sponsor-in Press Tour tum li (4) lai State pawn hmun hrang hrangah a tir a, hei bakah hian District tin MJA te pawh Mizoram chhung hmun hrang hrangah Press Tour intirh mek zel a nih thu a sawi.

 Hei bakah hian Journalist te tan Project Field Visit neih thin a that thu sawiin, a tul angin field visit programme pawh la ruahman chhoh zel tum a nih thu a sawi. Hun lo kal lehzel turah Display Advertisement tam zawk leh Press Tour tam zawk Journalist ten an neih theih nan hmalak chhoh mek a ni a, theihtawp chhuaha thawhho zel hi kan chakna a nih angin theihtawp i chhuah tlang zel ang u, tiin chanchinbu mite hi a sawm a ni.

Khualzahawm Pu Zonunsanga Khiangte pawhin thu sawiin, MJA Lunglei District-in Annual Conference 2018 palaite chibai bukin, Chanchinbu mite'n kan chhawr tangkai em em Field Visit hi tamzawk neih a tul a, kan hnathawhna kawngah pawh rinawm leh dik, taima taka kan thawh zel a pawimawh a ni, a ti. Mizoram sawrkarin Journalist te hamthatna kawng hrang hrang minsiamsak a, chhiat leh that niah intuamhlawmna tha takkannei a, Journalist Welfare Society hmangin damlo inkan leh intanpuina tha tak min siamsak avang pawhin sawrkar chungahkanlawm em em a ni, a ti.

Pu Lianchama Chhangte, President, MJA Lunglei District pawhin thu sawiin, an sawm anga Pu David L. Thangliana, Director, I&PR Deptt. Govt. of Mizoram leh khualzahawm Pu Zonunsanga Khiangte, Vice President, MJA Gen. Hqrs. leh a thawhpui MJA Gen. Hqrs. hruaitu ten Conference an hmanpui avanga lawmthu sawiin, hun lo kal leh zel turah MJA te hian inlungrualna leh thawhhona tha nen Ram leh hnam tan theihtawp chhuahin ke i pen zel ang u, tiin member te a chah a ni.

MJA Lunglei District-ah hian Member 26 awmin, chawhnu lamah kum 2018 - 2020 chhung atana hruaitu thar inthlanna hun hman nghal a ni a, inthlan hi IPRO Lunglei Pi C. Lalremruati, MIS kaihruaina hnuaiah tluang taka neih a ni.

Heng mite hi hruaitu thar atan an thlang tling:

President - H. Lalthansanga, Editor Lunglei Times

Vice President - Lalrintluanga Khiangte, Editor Daifim

Treasurer - F. Lalngaihzuala, News Editor JB Cable Network.

Executive Committee member atan heng mi 7 te hi an thlang tling bawk:

1. H. Vanlallawma

2. Johan Lalhmunmawia

3. K. Lalmuankima

4. Laltlanthanga

5. PC. Lalduhthlanga

6. Rodingliana Khiangte

7. V. Rokhawlkima

MJA Annual Conference-ah hian Resolution pahnih hetiang hian an pass bawk.

 MJA LUNGLEI DISTRICT ANNUAL CONFERENCE RESOLUTION

l . Lunglei leh Aizawl inkar World Bank road, Pukpui leh Tlawng inkar siam mék chu, tun dinhmuna an hnathawh dan leh an hnathawh chin enin hmabak a la tam hle a, he kawngpui hi Mizoram chhim lam District te tan, nitin mamawh ei leh bar engkim chawk luhna kawngpui ber a nih avangin, á¹­hal chhung ngeia siam zo hman turin sawrkar leh a mawhphurtu te, MJA Lunglei District chuan kan phut tlat a hi.

2. Mizoram chhim lam Power Supply pekna tur line thar I32KV Melriat to Khawiva Via Buarpui (Alternative line) siam mék hnathawh zawh hun tiam a pelh hnu  pawha Siam zawh a la ni lo fo hi a rang thei ang bera siam zawh anih a, hman anih thuai theih nan theihtawp chhuaha chak lehzuala hnathawk turin a mawhphurtute MJA Lunglei District chuan kan phut tlat a ni.