4507/2024-2025

Dated Aizawl the 2nd March, 2025 : Nimin khan Social Welfare & Tribal Affairs Minister Pi Lalrinpuii chuan Tourism Department bultuma Pu Lalsiamkima Lecturer, Music, ATC buatsaih Mizo Octave Choir Music Video PAWNTO HLA & PIPU ZAI chu HYVE Aizawi City Hall, J.L Building, Tuikual South-ah a tlangzarh.

Tlangzarh inkhawmah hian Minister Pi Lalrinpuii chuan duhsakna leh fuihna thute sawiin, Octave Mizo Choir chuan Mizo zaipawl chanchinah bung thar an kaipui nia a hriat thu a sawi a. Tunlai chhana zaipawl hlawhtling tak din thei hruaitute thawhrimna chu fakawm a tih thu leh member-te inpekna chu ropui a tih thu tarlangin, mizo hmingthatna kengtu an nih phak avanga mawhphurhna lian tak an neia a hriat thu a sawi a. Album tlangzarh tak  chu a tawpna mai ni lo va Octave Mizo Choir  bultanna kailawn pawimawh tak lo ni zawk turin duhsakna a hlan nghal bawk a ni.

Vawiina tlangzarh tak Octave Mizo Choir Music Video hi Tourism Department bultuma  Rs. 2,80,860/- vel seng a siam niin, Mizo hnam nunphung leh zia rang tam tak pho lang thei tura buatsaih a ni.