4506/2024-2025

Dated: Mamit the 1st of March, 2025 : Vawiin khan Shri Khilli Ram Meena IAS Chief Secretary chuan Mamit tlawhin, Pu K.Laltlawmlova, District Bawrhsap kaihruaina-in DC Conference Hall, Mamit-ah Department hrang hrang officials-te nen meeting neih zui a ni.

Shri Khilli Ram Meena, IAS chuan Mamit District chhunga hmasawnna hna kalmekte chu tha taka a kal theih nan theihtawpchhuaha ngaihtuahna tak tak seng turin officials te a chah a, Mamit District dinhmun tha zawka a ding tura kan tanrual a ngaih thu leh mipuite hnen thleng phak ngeia mahni line theuha taima taka hnathawk turin kalkhawmte a chah a ni. Chief Secretary chuan hmasawn tur chuan kan fate thil tih kan ngaih pawimawh a tul thu a sawi, an hun awl an hman dan te, an thil tih te uluk zawk a inah leh zirna inah kan hriatpui a tul thu a sawi a, hei hian hmasawnna tam tak a ken theih thu a sawi bawk.

Pu K. Laltlawmlova, District Bawrhsap chuan  Mamit District dinhmun hrang hrang a lem nen  tarlangin Mamit District chhungah mihring 101290 an awm a, a zauzawng hi 3025 sq.m a ni. In households 20902 awmin literacy rate hi 84.93% a ni bawk. Aspirational District hnuaia hmalakna-ah tehfung hrang hranga tehna-ah Mamit District-in dinhmun tha tak tak a lo hauh tawh a, hemi avang hian NITI Aayog atangin 19 crore lai dawn a ni, ranking hnuhnung berah hian overall performance  5th position kan hauh mek thu a tarlangin Mamit District hmasawnna atana schemes pawimawh zual North Eastern Council ( NECS), NESIDS-ODRI, National Mission On Edible Oils-Oil Palm, Pradhan Mantri Uchchatar Shiksha Abhiyan, Nagar Van Yojona, Housing For All, Fifteenth Finance Commission, Mahatma Gandhi National Rural Employment Guarantee, Pradhan Mantri Awas Yojona, Pradhan Mantri Krishi Sinchayee Yojona, Pradhan Mantri Matsya Sampada Yojona hnuaia sum hmuh leh hmanna hna kal leh hmachhawp bakah Project thenkhat a hnathawhte a lem nen a tarlang a ni.

Pu Pukhraj Kamal IPS, SP Mamit pawhin Mamit District chhung dinhmun hrang hrang a lem nena tarlangin Police Sub-Division pathum Mamit, Kawrthah leh W. Phaileng awmin Police Station panga leh Out Post pakhat a awm thu a sawi a, venhimna hna leh dan bawhchhiate man chhuak tura tha an thawh dan hrang hrangte a tarlang bawk.

Chief Secratary hian 132 KV Bairabi to W. Phaileng via Mamit leh Mamit College-te a tlawh a ni.