4505/2024-2025

Aizawl, 1^st March, 2025 : UD&PA Minister Pu K. Sapdanga chuan vawiin khan Aizawl Smart City hnuaia project thawh lai mek hmun 8 ami a tlawh. Vawiina Minister-in a tlawh te hi High Field a Multipurpose Ground, Dawrpuia Aizawl City Centre, Zemabawk Playground, Zuangtui Indoor Stadium, Durtlang Playground, Chaltlang Multipurpose Sports Hall, Chaltlang Tourist Lodge leh Hlimen Playground te an ni a. Minister hian a satu contractorte kawmin uluk takin hnathawh kal mek leh hmabak la awmte a zawtfiah a ni.

High Field, Zarkawta Multipurpose Ground hi cheng vaibelchhe 16.06 senga sak tur a ni a, contractor chu M/s Lushai Engineers niin February, 2023 a hna thawh tan a ni a, hna hi 71% thawh zawh tawh niin kumin December thla hian zawhfel an inbeisei a, Multipurpose Ground-ah hian Football khelmual (73mx31m), open gym, naupang infiamna hmun, cycling track, elevated jogging track, cricket practice pitch, four wheeler 80 leh two wheeler 47 len theihna tur parking area a awm bawk ang.

Aizawl New Market, Dawrpuia a City Centre hi cheng vaibelchhe 40.35 senga sak tur a ni a, contractor chu M/s Lushai Engineers niin October, 2022 a hna thawh tan a ni a, hna hi 59% thawh zawh tawh niin December, 2026-ah zawhfel an inbeisei a, City Centre-ah hian dawr (stall) 1102 a awm dawn a, mihringb leh bungrua bik tan lift ruahman niin, cold storage, CCTV, ATM, food court, office leh conference room baka four wheeler 31 leh two wheeler 79 len theihna tur parking area a awm bawk ang.

Zemabawk Playground (khelmual) hi cheng vaibelchhe 24.94 senga sak tur a ni a, contractor chu M/s Northeast Consultancy Firm Ltd niin November, 2022 a hna thawh tan a ni a, hna hi 79% thawh zawh tawh niin kumin June thla hian zawhfel an inbeisei a, Zemabawk khelmual hi 100m x 60m a zau a ni a, phullem (artificial turf) phah tur niin, gallery mi 700 vel len theihna a awm bawk a, four wheeler 41 leh two wheeler 65 len theihna tur parking area a awm bawk ang.

Zuangtui Indoor Stadium hi cheng vaibelchhe 14.60 senga sak tur a ni a, contractor chu F. Lalliansanga, Aizawl Venglai niin June, 2022 a hna thawh tan a ni a, hna hi 99% thawh zawh tawh niin March thla hian hawn hman tum a ni. Zuangtui Indoor Stadium First Floor-ah hian badminton court 6, gym, gym instructor room, mipa leh hmeichhe tan dormitory (washroom attached) a hrangin a awm ve ve bawk a, player te inthlakna room (locker telin) mipa leh hmeichhe pual a hrangin a awm bawk a, first aid room, coach room leh yoga room a awm bawk a ni. Football khelmual (73mx31m), open gym, naupang infiamna hmun, cycling track, elevated jogging track, cricket practice pitch, four wheeler 80 leh two wheeler 47 len theihna tur parking area a awm bawk ang.

Ground Floor-ah ticket area/counter, admin room, cafeteria, pantry,pump room leh store a awm a, tui litre nuai hnih leh singnga dawng tanky siam a ni bawk.

Durtlang Playground (khelmual) hi cheng vaibelchhe 17.88 senga sak tur a ni a, contractor chu M/s Biakliana & Sons, Mission Veng, Aizawl niin November, 2022 a hna thawh tan a ni a, hna hi 89% thawh zawh tawh niin kumin October thla hian zawhfel an inbeisei a, khelmual hi 110m x 68m a zau a ni a, phullem (artificial turf) phah tur niin, gallery mi 1257 (Block A – 1033, Block B – 224 len theihna a awm bawk a, Block A ah hian staff room, sports bungraw zawrhna dawr, support staff room – 2, coach room, gym – 2, players washroom – 2, lockers area – 2, team dressing room – 2, conference hall, office, reception, electric control room, mipa leh hmeichhe inthiarna a hrangin 2 ve ve, media lounge, VIP lounge, admin office, food & beverage outlet leh ticket counter a awm a. Block B ah hian mipa leh hmeichhe inthiarna a hrangin siam a ni bawk a, four wheeler 47 leh two wheeler 22 len theihna tur parking area a awm bawk ang.

Chaltlang Sports Multipurpose Hall hi cheng vaibelchhe 13.52 senga sak tur a ni a, contractor chu M/s H.Sanga & Sons, Chanmari, Aizawl niin November, 2022 a hna thawh tan a ni a, hna hi 72% thawh zawh tawh niin kumin November thla hian zawhfel an inbeisei a, Basketball-cum-Volley Court, gallery mi 216 len theihna a awm ang a, Boxing Ring, Table Tennis Board 2, mipa leh hmeichhe dormitory a hrangin a awm dawn a, conference hall bakah four wheeler 10 leh two wheeler 108 len theihna tur parking area a awm bawk ang.

Chaltlang Tourist Lodge tihchangtlun hna hi cheng vaibelchhe 18.12 senga sak tur a ni a, contractor chu M/s Allied Concern, Dawrpui, Aizawl niin February, 2023 a hna thawh tan a ni a, hna hi 78% thawh zawh tawh niin kumin October thla hian zawhfel an inbeisei a, mi 339 len theihna auditorium, restaurant, staff quarters 8 (Type III – 1, Type II – 1, Type I – 6) bakah four wheeler 29 leh two wheeler 32 len theihna tur parking area a awm bawk ang.

Hlimen Playground (khelmual) hi cheng vaibelchhe 6.59 senga sak tur a ni a, contractor chu M/s Lalhming Infrastructure & Construction Pvt. Ltd. niin April, 2022 a hna thawh tan a ni a, hna hi 92% thawh zawh tawh niin kumin October thla hian zawhfel an inbeisei a, khelmual hi 100m x 50m a zau a ni a, gallery mi 696 len theihna a awm bawk a, office, ticket counter, snacks counter, VIP lounge, lobby, support staff room, sports bungraw zawrhna dawr, support staff room – 2, coach room, players washroom – 2, lockers area – 2, team dressing room – 2, pantry, mipa leh hmeichhe inthiarna a hrangin 2 ve ve, bakah four wheeler 14 leh two wheeler 21 len theihna tur parking area a awm bawk ang.

UD&PA Minister hi Aizawl Smart City Ltd. CEO Pu CC Lalchhuangkima, UD&PA Joint Secretary Pi Zarzokimi bakah Aizawl Smart City Ltd. leh UD&PA Secretariat atangin official thahnem takin an tawiawm a ni.