Vawiin dar 10:30 am khan T.Romana College Week Closing Ceremony, Vanapa hall-ah Pu PC Lalthanliana, Minister of State Lad/SWD in a hman pui.

Pu Mathana chuan zirlai kal khawmte hnenah fuihna thu sawiin, Zirlai te tan nuamsa tak chunga zir hi hlawhtlinna min thlen tu aiin hlawhchhamna min thlentu a ni fo zawk a , chuvangin harsatna leh tawrh chhelna kal tlanga zir te hi mi hlawhtling an ni, a ti. Tunlaiah nuamsa taka lehkha zir thei te pawh, nawmsakna te malmak ngama tihtak zet a hrehawm tawrh in huam chung a zir turin a chah.

Zirlai te chu tum mumal fel tak leh hma thlir fel tak nei turin a chah a. Mahni chak zawng leh ngaihsan zawng ngawt nih tum a beih ngawt hi that na chen awm mah se; mahni dinhmun leh capacity thlir thiam a mahni hlawhtlin pui ngei tur seh chat mai tur a ni ti in, a mah pawh a tetlai atanga Politician ni tura rilru siam fela seh tlat mai a nih ve zia sawiin, tuna MLA ni a Minister hial Pathian leh Hotute duhsakna a a lo ni hi kum 25 chhung a lo bei ve fat fat na rah a nih thu a sawi bawk.

Zirlai ten zir chhuah hnu ah sawrkar hnathawh ringawt hi hlawhtlinna a ngailo turin leh thiamna leh finna te hi hlawhtlinpui theih a nih zia hre tlat turin a fuih a, sawrkar hna hmu lo te pawhin kan hlawhtlin pui tur leh kalna lam a ni em/ tih ngaihtuah chiang hmasa lovin; sumdawnna emaw Politics lam emaw hawi ngawt lo turin a chah bawk.

Zirlai te hi ram leh hnam nghahfak an nih rualin a chhe zawng emaw tha zawng emaw pawhin kan fin kan thiamna te hi a hman theih a ni tih hria in, ram tana nghahfak leh in nghahna kan nih rualin ram tana phurrit leh hlauhawm lehkha thiam tak kan ni palh ang tih a hlauhawm a ni, a ti. T.Romana College naupang duh awm tak tak te hi chu an zir chhuah hunah Ram tan malsawmna thlentu an nih ngei beisei tlat chungin kan hma lawka krismas lo thleng tur atan duhsakna Chibai a hlan a ni.