Vawiin hian State Level Selection Committee on NLUP Award chu an Chairman Pu Rualzakhuma hoin NLUP Implementing Board Conference Hall-ah an thukhawm.

He Meeting-ah hian Nakkum January ni 14-a ‘Kuthnathawktute Ni’ lo awm tura NLUP Beneficiary tha ber leh Hnathawk tha ber khua lawmman dawngtu tur thlan dan tur meeting hmasa lamina lo duanlawk tawhte Lhlirho a ni a. Khawtinah Village Level Selection Committee din a ni a, he committee hian an khua-a thawk tha ber an thlang anga, District Level Selection Committee-ah an thehlut anga, hei hi district level-ah thlitfim ani anga, chu chu State Level-ah zirchian leh tura chhawp chhuah tur a ni. State Selection Committee hian a tul chuan a hmunah zirchianna a nei leh anga, chumi hnuah final selection neih chauh a ni ang.

Kan hriattawh angin he lawmman dawngtu tur thlang tur hian State level Committee din a ni a, Chairman-ah Pu Rualzakhuma IAS (Rtd) leh Member Secretary atan Dr. James L.T. Thanga, Asst. Professor, MZU leh mithiam 12 member atan ruat anni bawk.