547/2025-2026
Aizawl the 23rd May, 2025: Vawiin khan Social Welfare Minister - Pi Lalrinpuii ho in LGBTQI+ chungchang meeting neih a ni a. Sawrkarin LGBTQI+ chungchang a buaipui dan leh helam kawnga hmalak chhoh zel dan tur kawng hrang hrangte ngun taka sawi ho a niin, Central sawrkarin transgender chungchang a ngaihpawimawh avângin an tan Portal a Siam thu te pawh sawichhuah a ni.
Anni ho dinhmun tak tak hre tûr leh anmahni ṭanpui thei tur chuan data chu sawrkarin a neih a ṭul thu sawichhuah a niin, a bulṭanna atan he mi survey nei turin Mizoram Psychological Association (MPA) leh Mizoram Professional Social Workers' Association (MPSWA) te thiamna leh thachakna hman nise, he mi atân hian proposal mumal tak department-in siam se tih an rel a ni.
He meeting ah hian Social Welfare, Home, leh Health Department hotute bakah Mizoram Psychological Association hruaitute leh Mizoram Professional Social Workers Association hotute an tel a ni.
