546/2025-2026

Dated Kolasib the 23rd May 2025: Nimin khan Mizoram Agriculture Minister, Pu PC.Vanlalruata chairmanna hnuaiah Mizoram District hrang hrang a Deputy Commissioner-te leh KVK leh Allied Department aiawhte nen Vikshit Krishi Sankalp Abhiyan (Pre- Kharif Campaign) VKSA 2025 kalpui dan tur video conference kal tlanga sawiho a ni.

He hunah hian District hrang hrang in a VKSA an kalpui dan tur leh an ruahmannate tarlan a ni a.

Agricultural Technology Application Research Institute (ATARI), Zone VII, Umiam Meghalaya Director Pu Dr. AK Mohanty in he video conference hi a hmanpui bawk a ni.

India ram pum huapa hun hman tur – Vikshit Krishi Sankalp Abhiyan (Pre- Kharif Campaign) – Bharat Krishi Jagran Yatra: Anusandhan Kisan Ke Dwarni 29th May- 12th June 2025 chungchang ahhian nimin vek khan Pu Robert C Lalhmangaiha, Deputy Commissioner Kolasib chairman na hnuaiah Allied Department aiawhten inhmuhkhawmna an nei a. He hunahhian Kolasib District a Bharat Krishi Jagran Yatra kalpui dan tur rel ho a ni. DC chuan he an thil tih tur hian loneitute nasa taka a nghawng dawn avangin leh an tangkaipui dawn avangin theihtawp a thatho leh phur taka campaign hi kalpui turin Department aiawh kalkhawmte chu a ngen nghal a ni.

He campaign hi loneituten sawrkar atanga schemes hrang hrang an hmuh te in hrilh hriatna hun atana hman tur a ni a. Hemi piahlamah hian Agriculture leh allied Department tena technology tha tak tak leh changtlung tak tak an neihte chu puangzar turin ICAR leh KVK mithiam beisei an ni bawk.

Nimina thutkhawmna ah hian Kolasiba Department hrang hrang hrang- Agriculture, Horticulture, Animal Husbandry & Vety., Fishery, DRDO te leh KVK te an kalkhawm thei a ni.