241/2023-2024

Dated Serchhip, the 27th April, 2023: Nimin dt. 26.4.2024 khan Er. Lalrinawma, Minister, Social Welfare & Tribal Affairs, END, AH & Vety, Sericulture, etc., chuan Sainik School, Chhingchhip leh Baktawng Public Playground laih hnathawh mek a tlawh.

School thuneitute nena an inkawmnaah Minister chuan, India ram huapa school tha Sainik School, a bial chhung Chhingchhipa a awm chu lawmawm a tih thu sawiin thawktute leh thuneitute chungah lawmthu a sawi a. Mizoram chhung leh pawn atanga zirna tha duha he school a kal hlawhtlin tum tak takte hmel hmuh chu thlamuan thlak a tih thu a sawi a ni. Mahni tuma chianga, thahnemngai taka an zirlaite bei turin a chah a ni.

Minister hian Administrative building, Hostel, Khelmual leh hmun pawimawh hrang hrangte a tlawh kual a, School Assembly Ground-ah zirlaite nen inkawm khawmna an nei bawk. Zirlai naupangte nena inkawm hona hi Saniya Shahul, Class - XI zirlaiin kaihruaiin, Mr. Shantam Basu chuan kalkhawmte hmelhriat tirna leh inlawmna thu a sawi a, Minister hnenah hian hriatrengna thilpek an lo hlan a ni.

Minister hi School Administrative Officer Maj. Kalyan.S leh a thawhpui ten lo dawngsawngin Principal roomah inkhawm hona hun an nei a, Minister in an school a tlawh chu an lawm hle tih lo hrilhin mamawh an neihte an lo thlen nghal a ni. Er. Lalrinawma hian School mamawhte chu theihtawp chuaha hmalakpui a tum thu a hrilh a ni.

Sainik School a tlawh zawh hnu hian Minister hian Baktawng Public Playground laih hna thawh mek tlawh nghal a, hmalak zel dan tur  khawtlang hruaitute nen an sawi ho a ni.