4095/2023-2024

Dated:Aizawl the 8th of March: Vawiin chhun dar 12 khan Social Welfare &Tribal Affairs,Women and Child Development Minister, Pi Lalrinpuii chuan Vanapa Hall-ah Khawvel puma lawm “Hmeichhiate Ni (International Women’s Day), 2024” lawmna hun a hmanpui.

He hunah hian Minister Pi Lalrinpuii chuan hmeichhiate thawh hlawkzia sawiin, Mizo hmeichhiate paw'n hma kan sawn zel thu a sawi bawk. Pi Lalrinpuii chuan hmeichhiate chu kan thlen china lungawi mai loin, kohhran leh khawtlangah te theih tawpa thawk zel turin a fuih. Hma sawnnaa hmeichhiate din hmun pawimawhzia sawiin mawh phurtute zinga hmasa ber chu nute an nih thu a sawi bawk. Kan Minister chuan hmeichhiate din hmun chawi kan zel a tul thu sawiin hmeichhiate chuan hma chhawp pawimawh tak tak kan neih thu sawiin, heng zinga pahnih te chu chhungkaw enkawtu nih leh ram hruaitu atan hmeichhia kan tel a tul thu a sawi. Hma sawn turin chawl loa tan la zel turin a fuih bawk a ni.

March ni 8 hi khawvel pumah “Hmeichhiate Ni” a nih angin, Mizoramah pawh a lawmna pui ber chu Women &Child Development (WCD) Department, State Legal Services Committee leh International Women’s Day Organising Committee te hma laka buatsaih a ni a. International Women’s Day pual hian, kum tina an lo tih thin angin, Ministry of Women& Child Development, Govt of Indian kaihhruaina siam zulzuiin,kar khat chhung, March ni 1 atang khan ni tin lawmna hun buaitsaih a ni.

Vanapa Hall-a lawmna hi Pi Zoramthangi Chhangte, Director, WCD chuan kaihruaiin, Pi Lalrinpuii ,Social Welfare &Tribal Affairs,Women and Child Development Minister chu Khual lian a ni a. Hon’ble Justice Vankung, Guwahati High Court chu Khual zahawm niin a hmanpui bawk. He hun ah hian Khual lian leh Khual zahawm bakah Padma Shree Awardee Pi B Sangkhumite'n thu tha tak tak an sawi bawk.

Pi Lalrinpuii Cabinet Minister, Pi Prova Chakma MLA, Pi Baryl Vanneihsangi Tlau MLA te bakah Social worker & Entrepreneur entawn tlak Pi Lalthangpuii Sailo(Biate), Pi Lalrinmawii (Thakthing) leh Pi Nunherdangzeli (Baktawng) te chu chawi mawina, International Women’s Day pualin hlan an ni.

Vanapa Hall-a programme hman zawhah hian Vanapa Hall atanga Aijal Club Park inkarah IWD Organising Committee te kaihhruainain IWD Parade neih a ni a, Govt Mizo High School Pipe band te chuan tawiawmin, college naupang, MHIP member-te leh mi dang tam takin an zui bawk. Programme tawi Pi Zonunpari Sailo, JT Director WCD kaihruainaa hman a ni.

International Women’s Day lawmna hun hmasa ber chu kum 1911 khan neih a ni a, Mizoramah hian kum 2005 atang khan hman tan a ni. Kum tin thupui(theme) neih thin niin, kumin chhunga thupui (theme) atan “ Count Her In: Invest in Women:Accelerate Progress”( Telh ve la : Ring ngam la : Hma sawnna I hmu ang) tih ruat a ni. Campaign thupui(theme)-ah “Inspire Inclusion”  (Huap zau zawka infuihphurna) tih hman a ni.