2327/2026-2027

Aizawl the 23rd September 2026: Vawiin khan Chief Minister Pu Lalduhoma hovin CM Conference Hall-ah Study Team on Socio Cultural & Economic Impact of KMMTTP & Railway line-te report bawhzui ngai hmanhmawhthlak zual bawhzui dan tur sawihona neih a ni.

Chief Minister chuan, Impact Study Team-te hian an report an thehlut tawh a, report tha tak an rawn siam a. An report zinga bawhzui nghal ngai chite sawihona neih a tulin kan hria a, kan inko khawm a ni, tiin meeting koh a nih chhan a sawifiah a. Pu T. Lalhlimpuia, MLA, Chairman, Impact Study Team chuan an thil hmuhchhuah pawimawh zual a sawi hnuah Study Team te hian ramri hmun pawimawh pahnih Zochachhuah leh Salachhuah dinhmun sawi zauna an nei bawk.

Hmalak dan tur tha nia an ngaihte an sawi tlang a. Department hrang hrangte lo bawhzui tur an siam a, thla khat hnuah an thlirho leh dawn a ni. Impact Study Team te rawtna bawhzuitu tur High Power Committee din rawtna chu zirchian a, la sawiho leh atan an dah bawk.