Kolasib District chhunga chhungkaw tinte Socio Economic & Caste Census 2011 neih tawh chu thla leh August kar tawp, 2012 khian Draft Publication tih chhuah a ni dawn ta a. Hemi chungchangah hian tar chhuah duh lo an awm a nih chuan an duh loh thu ziak a an thehluh theih dan tur ruahman sak an ni.

Vawiin khan Socio Economic Census chungchang hi Kolasib DC Pi Niharika Rai, IAS hovin area tina Charge Officer leh a kaihhnawih ten DC Office chamber ah an sawi hova. Draft Publication tih hma a an hming tar chhuah duh lote chuan August 17, 2012 hma in Charge Officer te hnenah an duh loh thu ziakin an thlen thei dawn a. An thu thlenna tur Application form siam sakin chumi hmang chuan an thlen thei ang. Charge officer tinte hian an huam chhunga YMA Branch hruaitute thawhpuiah sawmin a tul angin he thil hi FLS ah pawh puanzar tir nise tiin DC hova Committee chuan an rel a ni.