All Mizoram Karate Association (AMKA) Gen.Hqrs chuan ni 16 July - 10 August, 2012 thleng New Delhi-a neih tur ‘Federation Championship 2012’ atan karate naupang thlan bikte hnenah training a pe mek a. 25th AIKF Senior National Karate Championship-2012, New Delhi lo awm turah hian tehna hrang hrang atangin AMKA chuan uluk takin player te a thlang chhuak a, heta tel tur hian mi 10 thlan chhuah an ni. Training tawp lam hun remchangah Council lam atangin Medical fitness endik leh an ni ang a, sawrkar suma tirh tur an nih avangin an uluk hle a ni.

AMKA Sr. Vice-President Pu C.Dosavunga chu Mizoram Team Coach atan ruat a ni a, Team Manager atan Pu J. Laldawngliana, Financial Secretary a ni ang. 25th AIKF Senior National Karate Championship-2012, New Delhi-a lo awm tur hi ni 17-18 August, 2012 a ni dawn avangin Annual General Meeting-a tel turin Pu T.C. Lalremsiama, Vice President, AMKA leh Pu R. Zomawia,General Secretary, AMKA te an kal dawn bawk a ni.