Champhai District chhung Soil & Water Conservation Department hnuaia 3rd & 4th Phase Second installment NLUP Trade Coffee leh Hmunphiah chin thlangtu chhungkaw 13 te hnenah vawiin khan Soil & Water Conservation Department Secretary Pu B. Lalhmingthanga'n tanpuina Rs. 4,21,400 a hlan.

NLUP tanpuina semna hi Champhai Soil & Water Conservation RO Office ah neihin, Champhai DSWO Pu Lalrinzama'n a kaihruai a. Khuallian Pu B. Lalhmingthanga chuan eizawnna nghet nei tura hmunphiah leh Coffee thlangtu chhungkuaten din chhuahpui nan hmang ngei tura chahin,  khawvel ram changkang leh hausate hi mahni nun thapin huaisenna, tumruhna leh taimakna nen theih tawp an chhuah vanga hlawhtling an ni a ti a. NLUP atanga hamthatna an hmuhte hi thawh rimna in a zui loh chuan hlawhtlinna an hmu tak tak theilo ang tiin, department mithiamte zirtirna leh kaihhruaina te chu ngaipawimawh turin beneficiary-te chu Pu B. Lalhmingchuan a chah a ni.

Vawiin NLUP tanpuina sem hi khaw panga atangin  3rd Phase hnuaia hmunphiah chin thlangtu beneficiary 7 an awm a. 4th Phase hnuaiah khaw pathum atangin beneficiary pali an awm bawk a. Hmunphiah chin thlangtute hnenah hian Rs. 26,600 theuh pek a ni a. Khaw pahnih atangin Coffee chin thlangtu beneficiary pakhat ve ve an awm bawk a, tanpuina Rs. 64,400 ve ve pek an ni.