1991/2026-2027
Dated Khawzawl, the 28th August, 2026 : Khawzawl DC Pu K. Vanlalthiana chuan Solid Waste Management Rules, 2026 hnuaia bawlhhlawh thliar dan tur chungchangah hetiang hian thuchhuah a siam:
NGENNA
Solid Waste Management Rules, 2026 in a tarlan angin leh Khawzawl District chhunga bawlhhlawh chi li (4) a thliar hran kalpui a nih dawn tak avangin kan building/property zawng zawng ah te leh program/function kan neih apiangin bawlhhlawh chi li (4) a thliar hran theihna tur bawm (4-way segregation bins) dah theuh turin kan inngen a ni. A hnuaia tarlan ang hian bawlhhlawh (a rawng/colour nen) thliar tur a ni:
- Dry Waste (Ṭawih thei lo): BLUE Bawlhhlawh ro kan tih mai, bawlhhlawh ṭawih thei lo he’ng – plastic bottle, polythene bag, lehkha, glass, thir, etc.
- Wet Waste (Ṭawih thei): GREEN Bawlhhlawh ṭawih thei, he’ng – chawhmeh velna kawr te, thlai kawr, chaw leh chawhmeh nawi ang chi te.
- Sanitary Waste: RED Mihring taksa atanga chhuak zun leh ek bakah, thisen leh thlan chhuak sawngbawlna atana hman (entir nan: diaper, pad, lapua, wipes leh a dang te) ang chi hi a ni. He’ng bawlhhlawhte hi lehkha/chanchinbu chhia a fun in, a paihna tur bika siam bawlhhlawh bawm a paih tur a ni.
- Special Care Waste: BLACK Damdawi leh Chemical kaihhnawih bawlhhlawh (entir nan: battery chhia, syringe, medical glove, plaster, damdawi chhia/expired tawh leh a dang te) ang chi hi a ni. He’ngte hi uluk taka ṭhliar hrangin, bawlhhlawh bawm ruahman bikah paih tur a ni.
