Mizorama 4G service bun a nih theih nan nimin khan Reliance Jio Infocomm Ltd. a thawktute chuan Home Minister Pu R. Lalzirliana, Mizoram State Planning Board Vice Chairman Pu H. Liansailova leh State Planning Board Member & Secretary, Pu P.L. Thanga te an hmu.

Reliance company aiawh hian Pu Tarun Jhunjhunwala, Business Head & State Mentor (East India) leh a thawhpuite chuan 4G Service hman a nih chuan Reliance company in Mizoram tana hamthatna an siam theihte an chhawpchhuak a. Chung zingah chuan inernet leh a kaihhnawih hmanga hmun hla taka damlo awmte enkawl theihna (Telemedicine)-te, Sipai Lammuala a football field cheibawl te, sorkar hmun pawimawh a dah tur CCTV pek te a tel a. Kum thum chhung bandwidth a thlawn a pek an tiam bawk a ni.

Home Minister Pu R. Lalzirliana chuan Telemedicine chu hman theih a nih chuan thingtlang khaw tam takin an tangkaipui a rin thu leh, 4G service chuan awlsam zawka inbiakpawhna a siam dawn avanga Sokar hmalakna te pawh chak zawka a kaltir theih a beisei thu a sawi a ni .

Pu Tarun Jhunjhunwala chuan Mizoram survey an zawh tawh thu leh, Sorkar-in a remtih chuan August ni 15-a hna tan nghal mai an inhuam thu a sawi bawk.