Lottery chungchangah Finance Department chuan a hnuaia mi ang hian thuchhuah asiam.
March ni 9, 2011-ah Finance Department chuan Lottery Distributor/Selling Agent appointment siamna atan Invitation for Expression of Interest (Tender) a kova. Firm 18 (sawmpariat) in an chhang a. Ni 7.3.2012-a tualchhung chanchinbu thenkhat a Tender chhang sang ber ang a tarlan Jalaram Lottery Agency hian Paper lottery-ah Rs. 51,250 per draw, Online lottery-ah Rs. 52,000 per draw leh Bumper lottery-ah Rs. 5,00,000 per draw a chhangin an chhang sang ber lova, State Lottery Committee-in appointment pek tura a rawt zingah pawh telh an ni lo.
Tender chhangtute zing a chhang sang deuh deuh te leh an dinhmun chu hetiang hi a ni1
1.Paper lottery : Lotwin Online Lottery Pvt. Ltd. in Rs. 57,000 per draw a chhangin an chhang sang ber a. An chhanna hi Clause 13 a terms & conditions kalh (conditional) anih avangin thlan theih an ni lova, a dawttu Swagat Business Pvt. Ltd. Rs. 56,700 per draw a chhangtu chu thlan tum an ni.
2. Online lottery : Summit Online Trade Solutions Pvt. Ltd. in Rs. 60,300 per draw a chhangin an chhang sang ber a, an chhanna a dik thlap avangin thlan tum an ni.
3. Bumper lottery : M/s A.K. Agency in Rs. 10,00,000 per draw a chhangin an chhang sang ber a, an chhannaah Clause 8 in a tarlan document thil tel tur IT Assessment Order leh IT Returns an thil tel loh avangin thlan theih an ni lova, a dawttu Lotwin Online Lottery Pvt. Ltd. Rs. 7,86,000 per draw a chhangtu chu thlan tum an ni.
Tender chhuah thar leh anih chhan : Chhanna dik thlap zinga a sang sang thlan tum te khi thlang felin Lottery hi kalpui theih ni se chuan kum khat chhungin Sorkar-in Lottery atangin revenue Rs. 60 crores vel a hmu thei tur a ngaih a ni a. Mahse, appointment siam tura hmalak mek anih laiin a chhang hniam zawk party thenkhat – M/s Teasel Marketting Pvt. Ltd, M/s Tashi Delek Gaming Solution Pvt. Ltd. leh M/s Pooja Fortune Pvt. Ltd ten “Seal Cover” chungchangah complaint siam a Guwahati High Court, Aizawl Bench-ah Petition Nos. WP (C) No. 69/2011, WP (C) No. 70/2011 leh WP (C) No. 77/2011 an thehluh avangin Lottery Distributor/Selling Agent appointment process chu tihfel theih a ni ta lova. He Court case avang hian lottery hna hi hun rei tak a bahlah dawn avangin Tender (9.3.2011) chu Law & Judicial Department thurawn angin withdraw a ni. Tender withdraw anih tak avang hian High Court chuan lottery thubuai pawh a ti tawp zui bawk.
Sorkar-in sum harsatna phuhruknan lottery tan leh thuai chu tulin a hria a. December ni 20, 2011 khan Tender thar chhuah leh a ni a, hei hi February ni 17, 2012-ah hawn a ni. Party 5 (panga) chauhvin chhanna an thehlut a, chung zinga party pakhat erawh chu an document a kim loh avangin hnawl a ni. Party 4 (pali) te erawh chuan rate hniam tak, Lottery (Regulation) Rules, 2010 in rate hniam ber bituk (minimum rate) asiam angin Rs. 10,000 (cheng singkhat) per draw theuhin an chhang thung.
Ni 7.3.2012-a tualchhung chanchinbu thenkhat a lo lang Tender hmasa a a chhang hniam 4 (pali) te chauhin Tender thar hi an chhang ang a tarlan hi a dik lova. Tender hmasa a Online lottery atana chhang sang ber Summit Online Trade Solutions Pvt. Ltd. pawhin Tender thar hi an chhang leh ngei a, mahse, an chhanna rate erawh nasa takin an rawn ti hniam thung a ni. Hetianga Central Sorkar-in rate a bithliah hniam ber ang veka Company 4 (pali) ten Tender an rawn chhang hian Sorkar pawh a barakhaih hle a. He mi chungchang hi ngaihtuah mek anih avangin pek tumna emaw tum lohna emaw thuthlukna engmahsiam a la ni lova, tute nen mah inremsiamna a awm lo.
No Due Certificate chung chang :Tender (clause 8)-ah selected Company ten Mizoram Sorkar nen agreement an sign hmain Mizoram Sorkar-a an leiba an petla vek phawt tur a tih anih avangin tute hnenah mah No Due Certificate hi phut a ni lova. Tute emaw tana kawng hawnsak tumna pawh a awm bawk hek lo.
