Nimin tlai khan Department of Animal Husbandary, Dairying and Fisheries (DADF) enkawltu sorkar laipui a Secretary Pu Rudhra Gangadharan, IAS chuan AH &Vety Directorate, Khatla a tlawh a. Govt. of India, DADF Jt. Secretary Swarona Malawrowla, Animal Husbandary Commissioner Dr A.S. Nanda, Jt. Commissioner Dr. P.K. Shukla leh Fisheries Deputy Commissioner Dr. Paul Padhian ten an tawiawm a ni.
Internet hmanga ran natna chi hrang hrang Block, District leh State level atanga data lakkhawmte awlsam taka Central Disease Reporting and Monitoring Unit, New Delhi a thawn zung zung theihna tur "National Animal Disease Reporting System" (NADS) tia an vuah AH &Vety Directorate, Khatla a bun chu Secretary hian a hawng a. Hei bakah hian Bird Flu laka awlsam leh rang taka invenna leh tihremna tur hmanrua atan bik liau liau a duan software, Agriculture Informatics Division, National Informatics Centre (NIC), New Delhi in a design chu Secretary hian a hawng nghal bawk a ni.
NADC hi India ram State zawng zawngah bun tura ruahman a ni a. Mizoramah hian khawl 36 lo thleng fel tawhin, khawl 14 hman theih turin bun fel a ni tawh a. Hmarchhak bial mai bakah India ram puma he khawl bun kawnga hma la chak ber a nih avangin Mizorama NADC khawl bun chu a hmun ngeiah Secretary hian a tlawh a, hna an kalpui dante a en a ni.
NADC hi India ram State zawng zawngah bun tura ruahman a ni a. Mizoramah hian khawl 36 lo thleng fel tawhin, khawl 14 hman theih turin bun fel a ni tawh a. Hmarchhak bial mai bakah India ram puma he khawl bun kawnga hma la chak ber a nih avangin Mizorama NADC khawl bun chu a hmun ngeiah Secretary hian a tlawh a, hna an kalpui dante a en a ni.
