4637/2025-2026

Dated Aizawl, the 27th February, 2026 :  Social Welfare, Tribal Affairs, Women & Child Development Department Minister PI Lalrinpuii chuan vawiin chawhma khan Mizoram Upa Pawl Aizawl South II Area Conference, ITI YMA a neih chu hmanpuiin, kum upa zawkte hnam leh khawtlang tana an hlutzia sawiin, ngaihhlut tur an nih thu leh, Sorkar pawhiin a ngaihpawimawh thu a sawi a. Kum upa Sorkar hnathawk pension-te a hmaa Cheng 300 la thin Cheng 1200 ah a tihsan sak thu leh Cheng 600 la thin pawh Cheng 1500 ah a tihsan sak nghal a nih thu a sawi.

He conference ah hian Minister chuan khawvel thiamna te sang chho zel ah, kum lama upa te pawh lo tam chhoh ve tak zel avangin hriselna lam a lo pawimawh zual thu a sawi a. Mizoram Universal Health Care Scheme (MUCHS) hnuaiah pawh inenkawlna senso nei tam chu kum update an nih thu sawiin, kum upa te tan MUHCS a tangkai zual bik thu a sawi a. Hriselna lam ngai pawimawh tura fuihin, taksa sawizawi tha a, ei leh in uluk mai bakah tha taka mut theih Hi upa te hriselna atan a tha in a rin thu a sawi bawk.

He hun hi Pu Lalthangliana Varte, President in kaihruaiin, Pu Nghaklianmawia, President, MUP General Hqrs pawhin thu a sawi bawk a.  He conference ah hian hmasawnna lam kaihhnawih engemaw zat rel a ni.