2835/2026-2027

Aizawl the 27th October, 2026: Vawiin khan Pi Lalnunmawii Addl. Secretary, Health and Family Welfare Chamber MINECO-ah State Drowning Prevention Core committee neih a ni. He thutkhawmah hian Department hrang hrang Irrigation & Water Resources Department, Fisheries Department, School Education Department, CID Crime, Red Cross Society, Aquatics, CYMA, Sports & Youth Services, Information & Public Relations Department leh Health and Family Welfare Department aiawh te an tel.

Pi Lalnunmawii, Addl. Secretary, Health and Family Welfare kaihhruaina hnuaiah Meeting hi neih a ni a, Pi Marilyn Rualzakhumthangi Deputy Secretary, Health and Family Welfare Department chuan State Drowning Prevention Committee in ruahmanna a lo siam tawh te sawi zauna a nei. Thutkhawmah hian Mizoram chhunga tuitla avanga thihna thleng thin venna kawnga sawrkar hmalak dan tur te sawiho a ni a, Department tin ten an chanpualte lo zirchianga, rawtna leh siamthat ngai awm ang angte Pi Marilyn Rualzakhumthangi Deputy Secretary, Health and Family Welfare Department hnehah October ni 30, Zirtawpni Dar 12 hma a theh lut tura tih a ni. Drowning Prevention Committee hi District Levelah pawh din tura ruahman a ni.