Vawiin ni 13.8.2013 hian District Fisheries Development Office, Lawngtlai chuan NLUP thawhhnihna Second Instalment chu S.Lungpher-a sangha khawi thlangtu chhungkaw 33 te hnenah Rs. 8,000/- theuh an sem. NLUP thawhkhatna a lo dawng tawh te nen an vaiin mi 75 zet te tun tum hian kalkhawmin tunlai thiamna hmanga sangha khawi dan inzirtirna neih chhunzawm a ni.

He inzirtirna hunah hian Pu Lalrochhara, DFDO Lawngtlai chuan Common Carp (sangha chikhat) tui tir dan a zirtir a. Pu Lalhmingliana, Asst. Fisheries Officer in sangha dil sawngbawl dan leh enkawl zui zel dan a zirtir bakah, Pu HC Lalrintluanga’n sangha chi dil-a him taka chhuah dan a zirtir bawk a ni.

He training-a tel sangha khawia eizawng te chuan hmun kilkhawr zawka hetiang ang training tha tak sawrkarin a buatsaih sak thei chu an lawm hle a ni tih sawiin, buatsaih fo theih nise an duh thu pawh an tarlang bawk.

Attachment

  • Loading attachment...