Inrinni, August ni 10 khan Food, Civil Supplies &Consumer Affairs Minister Pu H. Rohluna chuan Kawlkulh-ah gas agency V.L. Indane Gramin Vitrack Agency a hawng.

Pu H. Rohluna chuan Lengteng Bial chhunga Gas Agent, Ngopa leh Kawlkulh khua a hawng a nita hi lawmawm tiin IOC hotute duhsakna leh thahnem an ngaihpuinaah lawmthu a sawi. Gas Agency chu khaw hrang hrangten tangkai taka an hman ngei a duh thu a sawi bawk. Minister chuan bial chhunga hun reilote chhunga hmasawnna hrang hrang hmuhtheiha lo awm ta hi Pathian malsawmna a nih thu a sawi.

Hemi ni vek hian Pu H. Rohulna chuan Ngopa-ah Distribution of NLUP Assistance, Ngopa Jubilee Hall-a neih chu a hmanpui nghal. Ngopa RD Block hnuaiah hian NLUP 2nd Phase ah hian Industries-a chhungkaw 124, A. H. & Vety-a chhungkaw 200, Horticulture-a chhungkaw 138 leh Sericulture-a 2 bakah Forest Dept. ah chhungkaw 40; a vaiin chhungkaw 737 te hnenah NLUP 2 hi pek an ni.