183/2025-2026

Dated Hnahthial, the 15th April, 2025: South Tuipui Bialtu MLA, Pu Jeje Lalpekhlua chuan vawiin khan MLA Office Hnahthial-ah a bial chhunga beng tha lo mi sawm hnih (20) te hnenah MLA Fund atanga a lei, bengdar a hlan a. Hemi hnu hian MLA Office-ah vek hian a duh apiangte tan dawr theih turin a thu nghal a ni.

Bengdar hlanna inkhawmah hian South Tuipui bialtu MLA, Pu Jeje Lalpekhlua chuan kum lama upate zingah beng leh mit tha lo hi a tam thu sawiin heng mit tha lo leh beng tha lo te tan hian theih tawp chhuahin hma an lak thu a sawi a. Hmanni lawkah pawh special eye clinic an buatsaih tawh thu sawiin tunah beng lama harsatna neite tana hma an la leh thei chu lawmawm a tih takzet thu a sawi a ni. 

Tun hi a tawpna tur a nih loh thu sawiin chhunzawm zel a la nih tur thu a sawi a. Bengdar mamawh ten an mamawh ang chiah chiah an neih theihna atana buaipuitu, Redeem Speech Hearing Clinic te chungah lawmthu a sawi nghal a ni. 

Hemi hnu hian 29- South Tuipui Bialtu MLA hi Hnahthial-a MLA office-ah thuin Hnahthial khawchhung leh khaw pawn tan amah dawr theihna hun a hawng a. Amah dawrtute mamawh hi Hnahthial-a chinfel saktheih chu chinfelsak nghal zelin a then chu Aizawl lama buaipui chhunzawm tur a awm bawk a ni.