182/2025-2026

15.4.2025 Zokhawthiang : Vawiin khan Zokhawthiang (Kani)-ah SDO(C), Sakawrdai/BDO, Darlawn kaihhruainain "I Kawtkaiah Sawrkar" programme hlawhtling taka hman a ni. He hunah Free Clinic neih niin mi 80 chuang en an ni a, damdawi te pawh a thlawna pek chhuah a ni. Animal Camp neih a ni bawk a, anti-rabies leh CSF vaccine te a thlawna pek a ni. Zero balance Bank Account (PMJDY) mi eng emaw zat tan hawn a ni a, insurance scheme (PMJJBY leh PMSBY) ah pawh mi eng emaw zat ziah luh an ni. Tui tihthianghlimna te sem niin, Aganwadi tan nutrition an dawn tur kensak a ni a, School inspection te neih a ni. Zirlaite leh mamawhtu dang tan Income Certificate te, Residential Certificate te leh Tribal Certificate te pek chhuah a ni bawk.

He hunah hian SDO(C), Sakawrdai huam chhunga office ṭhenkhat - SDEO, Darlawn; CHC, Sakawrdai; SDO, P&E, Darlawn; Animal Husbandry & Veterinary, Darlawn; ICDS, Darlawn; SDO, PHED, Darlawn; APO (MGNREGA), Sakawrdai Zone; MRB, Sakawrdai Branch te an tel. Service awm thei ang pek chhuah bakah hian heng office aṭanga mipui hriat tur pawimawh Awareness Campaign neih a ni bawk.

Activity hrang hrang neih hmaa ṭhut khawmnaah SDO(C) Pu N Lalzarzova chuan Aizawl District Deputy Commissioner ruahmannaa he programme hi neih a nih thu sawiin, sawrkar office eng emaw zat Zokhawthiangah vawiin atan hun a ni a ti. Office hrang hrang aṭanga he programme-a telte chungah lawmthu a sawi bawk. Zokhawthiang mipuiten  vawiin programme hi an hlutin an hlawkpui hle.