181/2025-2026

Lawngtlai, 15th April 2025: Mizoram Legislative Assembly-a 'Committee on Government Assurances' chuan Tourist Lodge, Bungtlang 'S' a Main Building chim ta leh Bulding dangte chu vawiin khan a hmunah kal chilhin an enfiah.

Spot study visit-ah hian Committee on Government Assurances Chairman Pu V. Malsawmtluanga (Lunglei High Powered Committee Vice Chairman ni bawk) hovin member-te - Adviser to Chief Minister (Finance) Pu TBC Lalvenchhunga,  Palak bialtu MLA Pu K. Hrahmo leh Lunglei South bialtu MLA Pu Lalramliana Papuia leh Dr. Lorrain Lalpekliana Chinzah, Adviser to Chief Minister ( Health) leh Lawngtlai East bialtu MLA nibawk te an tel a. Mizoram Legislative Assembly Secretariat, Tourism Department, Public Works Department leh Information & Public Relations Department official-te'n an ṭawiawm.

Committee on Government Assurances- hian vawiina spot study visit an neihah hian Budgetary transfer, technical funding, furnishing, building design leh contractor bakah lehkha pawimawh dang  awm ang angte chu Commitee hnenah thehlut turin Tourism leh PWD department - te an hrilh a. Main Bulding chim ta senghawi hna pawh lo chawl lailawk turin an hriattir nghal bawk. Committee on Government Assurances- hian an thil hmuh chhuahte chu naktuk khian Lunglei HPC Conference Room-ah thlir hovin, an zir chianna leh rawtna an neihte hmangin report an  siam leh dawn a ni.

Committee on Government Assurances- hian Bungtlang 'S' a-  Community Service Centre leh IT Skill Development & Training Centre- an tlawh nghal bawk a ni.