Dt.14.6.2018 (Ningani) chhun dar 12:00 khan Circuit House Conference Hall, Lunglei ah Pu Zodintluanga, Minister hovin tunlai Lunglei District chhungah ruahsur nasa avanga chhiatna thleng hrang hrang te thlirhona neih a ni a.  Serchhip leh Keitum inkar kawngpui (NH-54) chim/tlahniam leh Hnahthial Town chhunga kawngpui khi avang te in lirthei lianchi tan kal theih a ni rih lova. Tun dinhmun ah hian Aizawl - Lunglei - lawngtlai - Siaha District-te inkalpawh theihna kawng awmchhun chu Aizawl - Lunglei (World Bank Road) chauh a ni rih a. Hemi a nih avang hian ngun taka sawiho hnu ah mipui hmakhua ngaihna avangin Pu C.Lalthanmawia, MPS, Superintendent of Police, Lunglei District, Lunglei chuan Mizoram Govt. Notification No.B.12021/10/04-TRP Dt.22.8.2008 leh Sec. 115 of vehicle Act, 1988 (Act No 59 of 1988) in thuneihna a pek angin Lunglei - Pukpui - Tlawng - Haulawng inkar ah lirthei lian (HMV) ke sawm nei chin leh chung lam kal/tlan phalloh a ni a, lirthei ke sawm nei tiam lovin  a hnuai lam lirthei eng chi pawh an kal phalsak an nih thu thupek a chhuah a ni.

He Thupek hian thuleh awm hma chu Dt.18.6.2018 (Thawhtanni) atanga hman tan tur a ni.