Lunglei Luangmual Village Council ten an vengchhunga kawngpui (NH-302) a len tawk loh avanga lirthei kal vel leh lirthei dinna chungchang ah ngenna an siam ang in, VC Luangmual te nen ngun taka thlir ho a nih hnu ah, Pu C.Lalthanmawia, MPS Sr.Superintendent of Police, Lunglei District Lunglei chuan Section 116/117 of Motor Vehicle Act, 1988 (Act of 59 of 1988) leh Government of Mizoram Notification No.B.12012/10/04 Dt 25/9/2007 ten thuneihna a pek angina a hnuai a tarlan ang hian mipui leh lirthei khalhtute leh kawng hmangtute him zawk nan thupek a siam/chhuah a ni.

    NO PARKING AREA :-

1.    Ngurchhinga In leh LH.Lalnunthara In inkar 60mtrs.
2.    K.Pazawna In leh Pu Zotea In, Pu Zonunsanga In thlengin 20mtrs.
3.    Pu C.Lalrinmawia In bul, a In atanga the a chhim leh hmar zawngin kawngpui area ah 5mtrs.
4.    2nd Batallion MAP atanga kawngpui rawn pawhna atanga Khuangchera Section Tuikhur thlengin 407 leh a chunglam dah phal a ni lo.

He thupek hi Dt.16.9.2019 (Monday) atanga thu leh awm hma chu hman tur a ni ang. Lirthei khalh tuten tha taka thuawia zawm turin kan in hriattir a, he thupek bawhchhe lui chu Motor Vehicle dan angina hrem theih a ni.