3901/2024-2025

Dated: Mamit the 22nd of January, 2025: Mamit District chhunga West Phaileng leh Marpara inkar kawng chu tunlai hian SLT Company & Infracon Pvt. Ltd te'n a siam that hna an thawk mek chhunzawm zel tur a la ni a. Hnathawktu Company te'n chak zawka hna an thawh theihnan helai kawnga lirthei tlan dan tur hi ruahmanna siam a tul a hriat a ni a.

Chuvangin, Pu Pukhraj Kamal, IPS, Superintendent of Police, Mamit District chuan Motor Vehicle Act, 1988(Act 59 of 1988) section 115 leh Mizoram Sawrkar Notification No.B.12021/10/2004-TRP Dt.01.06.2020 in thuneihna a pek angin Mamit District chhunga West Phaileng atanga Marpara inkar kawnga SLT Company & Infracon Pvt.Ltd ten kawngpui an siamna hmun zelah hetiang hian lirthei tlan dan tur thupek a chhuah.

 08:00 AM - 12:00 Noon - Lirthei tlan theih loh hun/Close 

12:00 Noon - 01:00 PM - Lirthei tlan theih hun/Open 

01:00 PM - 04 : 30 PM - Lirthei tlan theih loh hun/Close

He thupek hian Dt.21.01.2025 atanga Dt 9.2.2025  inkar leh Dt. 14.2.2025 atanga 20.2.2025 thleng a huam ang.Village council Election neih a nih dawn avangin Dt. 10.2.2025 atanga Dt. 13.2.2025 inkarah erawh chuan helai kawngah hian lirthei tlan dan turah khuahkhirhna a awm lovang. 

He thupek hian helai kawngah lirthei tlan dan tura SP, Mamit in order a lo chhuah tawh video No. SP/MMT/RO/72/2023/50 Dt. 17.1.2025 chu a luah lan nghal ang.

Kawngpui tha zawk kan neih theihna tur atana thupek hi ngaipawimawh turin mipuite kan inngenin kan inhriattir a. Thupek zawmlote chu 179MV Act hmanga hrem an ni ang.