S.P Traffic Aizawl chuan thuchhuah siamin mipui vantlang leh lirthei hmangtute him nan leh remchan zawk nan Chanmari to Israel Point via Lower Zarkawt kawngpuia lirthei tlan dan tur ruahmanna a hnuai ami ang hian a siam thar :-
Zanin dar 9:00 atang hian SIPMIU (NERCCDIP), Aizawl ten Chanmari leh Power House inkar kawngpui dungah Sewer Pipeline siam hna an thawh dawn avangin-Sewer Pipeline siam hna thawh anih chhung zan dar 9:00 atanga zing dar 5:00 hian Chanmari kawn atanga Lower Zarkawt road-ah motor lian (HMV) eng chi mah tlan tlang phal a ni lo a. Lower Zarkawt road ah hian zan lamah Lirthei eng chi mah kawngpui sir ah din/dah phal a ni lo bawk.
He thupek hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang.
He thupek hi a tul dan a zirin Traffic Police ten an ti danglam thei ang.
