Transport Department hotute, Local Council Chaltlang leh Aizawl City Bus Owners Association-te nen inberawna Chaltlang leh Bawngkawn inkar kawngpui chhuat a min avanga S.P Traffic Aizawl thupek dt.30.10.2017 lo siam tawh chu a hnuai ami ang hian mipui vantlang him zawk nan leh remchang zawk nan thupek thar siam a ni a. He thupek hi ni 18.11.2017 atanga hman tan tur a ni ang.

1. Lirthei mihring phur chi (Public Service vehicles) MMV chin chu Chanmari lam atanga Bawngkawn lam pana an tlan tlang theih hun chhung tur chu 6:00 AM - 6:00 PM a ni ang. Helai kawngpui hi leiminna hmunah him lo ni a hriat a nih chuan Chanmari to Bawngkawn kaltlang turin Transport Department Complex chhung kal tlangin a kal theih ang.

2. Lirthei lian (HMV) leh lirthei laihawl (MMV) bungraw phur chi reng reng chu Chanmari atangin Ramhlun kal tlangin Bawngkawn lamah kal tur a ni ang.

3. Motor lian ke sawm nei chin chunglam chhimlam atanga Bawngkawn lam pan turte Ngaizel tlan tlanga World Bank road a kual luta Thuampui lam atanga Bawngkawn tlan lut tura ruahmanna awm sa chu, Truck rit phur lote chu Entry period hun chhungin a duh tan chuan Temple atangin Vaivakawn kal tlangin Hunthar Veng lamah an kal thei ang.

4. Lirthei kal dan phung tih danglam anih tak avangin leiminna hmunah hian inkal chhawk a ngai dawn a, helai leiminna kal tlang tur lirthei khalhtu zawng zawngte phungthlu leh hawihhawm taka lirthei khalh turin beisei kan ni a. Tin, lirthei lian leh laihawl tlan ve thei lo tura tihte hian helai kawng kal theih loh chhan hi lei min vang anih piah lamah a leilungin lirthei rit phur a dawl zawh tawk loh avanga hetianga ruahmanna siam hi a ni tih hria a, zan lama Chanmari atanga Chaltlang kal tlanga Bawngkawn lam pan a ruk a rala ti lo turin kan in hriattir e.

He thupek zawm lo chu MV Act dan hnuaiah hrem an ni ang.

Hei hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang.