Vawiin hian E. Lungdar RD Block Level Committee on Special Campaign for Highlighting Achievements of NLUP chu E. Lungar BDO Pu Vanlaltanpuia hovin a office ah an thukhawm.

Meeting chuan NLUP dawngtu, hlawhtlinna changtute tan an hlawhtlinna inphochhuahna (exhibition cum fair) ni 7 December, 2017 hian Thangburha Hall, E. Lungdarah Block Levela buatsaih nise a ti a. He hun hmanpui tur hian Pu Liansangzuala Chhakchhuak, Block Level Committee Chairman leh SDO (C) N. Vanlaiphai ni bawk sawm nise tih a ni.

He exhibition cum fairah hian NLUP line Department tin ten stall an hawng vek ang a, stall tha ber hnenah lawmman siam ani ang a, NLUP beneficiary thazual mi pathum hnenah lawmman tha tawk tak siam sak ani bawk ang.

He meeting ah hian NLUP Line Department  hrang hrang bakah VC, NLUP Village Level Monitoring Committee hruaitute leh tlawmngai pawl hrang hrang aiawhte an tel tha hle a ni.