District Disaster Management Authority Aizawl District, Joint Inspection Team-te chuan ni 10.3.2017 a MG Road,-Khatla a Bible House bul leikhi chu a hmunah enfiah a nih hnuah Mizoram State Sorkar Notification No.B.1202l/10/04-TRP Dt.22.8.2008 leh Section 115 of MV Act, 1988-in thuneihna a pek angin, SP Traffic chuan Aizawl khawpui chhung traffic jam tihziaawm nan leh mipui vantlang chetvelna tihziaawm nan helai kawngpui a lirthei tlan dan tur ruahmanna thar a hnuai a mi ang hian a siam a ni.
Helai MG Raod, Khatla hi motor te Ke pali nei LMV (407 tiam lovin) Chhim lam Sikulpuikawn atanga Hmar lam pan tur te tan chauh tlan phalsak an ni a, Hmar lam atanga Chhim lam pan in tlan tlang phal loh a ni. Two Wheeler te chu a ngaiin a tawn tawn a tlan phalsak an ni.
Hetiang hi tuna MG Road, Khatla dinhmun anih avangin hetiang hian ruahmanna siam nimahse a theih hram chuan LMV Hmar lam atanga Chhim lam pana tlan tlang tum tan chuan Treasury Square via Pi Pangi peng, Upper Republic kawng lamah emaw Tennis Court via Khatla kawn lamah emaw tlan theih tho a ni.
He thupek hi ni 14.3.2017 atanga hman tan tur a ni ang. Hei hian helai kawng chungchanga thupek lo chhuah tawh chu a luahlan ang.
He thupek hian chhiatrupna thil kangmei leh emergency kaihhnawiha duty leh Dan leh Thupek pawimawh bika Duty-te chetvelna a huam lo ang. He thupek hi a tul dan a zirin Traffic Police ten an ti danglam thei ang.
