Aizawl khawpui chhunga lirthei tawt lutuk leh Traffic Jam tihziaawm nan S.P (Traffic) chuan ruahmanna a hnuai ami ang hian a siam:

Kulikawn - Tlangnuam Road kawng hi naupang sikul kal vanglai a Traffic a tawt lutuk thin avangin zinglam dar 8:00 leh dar 9:00 inkarah eng Motor mah Tlangnuam atanga Kulikawn lam panin kal phalloh (No Entry) tur a ni a. Chanmari ‘West’atanga Vaivakawn lam panin ‘Rush Hour’ lai, zinglam dar 8:00-11:00 leh tlailam dar 4:00 - 6:00 inkar chhung hian 407 chin chunglam lirthei eng chi mah tlan thlak phalloh tum a ni bawk. Hemi chungchanga rawtna leh sawi duh nei te chuan September thla chhungin S.P (Traffic) hnenah Office hun chhungin ziakin emaw tawngka in emaw ngaihdan thlen theih a ni ang.

Mipuite him nan leh lirthei tlan dan a tluan zawk theih nan SP (Traffic) chuan zinglam dar 8:30 atanga dar 10:00 inkarah ‘Republic veng kawngpui atanga Pi Pangi Peng inkar kawngpui sirah lirthei eng chi mah Motor kawngpui rapin dah phal a ni lovang’ tih thupek August ni 2, 2011 a a lo chhuah tawh chu tiam chin awm lova hman chhunzawm tur tiin thupek a siam bawk a ni.