Vawiin khan AH &Vety Minister Pu Nihar Kanti Chakma hovin a pisa-ah Department officer te leh National Dairy Development Board (NDDB) aiawh, Anand, Gujarat atanga lokal te an inkawm.

AH &Vety Minister Pu Nihar Kanti Chakma hian kumin kum bul lam khan NDDB, Anand, Gujarat hi a lo tlawh tawh a. Dairy Farming lama Mizoramin chak zawka hma a sawn theih dan tur ngaihtuahpui tura a sawmna ngaipawimawhin NDDB Chairman chuan Mizoram dinhmun enfiah turin Expert Team a rawn tir a ni. Zan hnih riaka lo zin Expert team te hi Dr. Kishore, Manager (Animal Breeding), Dr. MG Garg, Dy. Manager (Animal Nutrition), Pu Sujal Biswas, Dy. General Manager (Cooperative Services) leh Pi Dora Saha, Manager (Sectoral Analysis & Studies)te an ni a. An cham chhung hian Muthi leh Durtlanga Bawng vulhtute an kawm bakah Durtlanga Artificial Insemination Centre te, Tanhrila Animal Feed Plant leh Liquid Nitrogen Plant te an tlawh a ni. Naktuk hian Mizoram an chhuahsan ang.

Meeting-ah hian AH &Vety Secretary Pu T. Sangkunga, Director Dr. L.B. Sailo bakah MULCO hotute leh AH&Vety Department Officer te an tel a ni.