Aizawl to Sairang Road National Highway No-54 chu Edenthar Veng pen thlakna bulah kawngpui chhuat a bal avangin Lirthei lian (HMV) eng chi mah Hunthar Veng. Company peng leh Bawngkawn inkarah a tlan tlang thei lova. Chuvangin, Mizoram State Sorkar Notification No. B. 12021/10/04-TRP Dt. 22.8.2008 leh Section 115&117 of MV Act 1988 in thuneihna a pek angin mipui vantlang he kawngpui hmangtute remchan zawkna tur leh him zawkna atan lirthei 407 Truck chin chunglam tlan dan tur ruahmanna a siam a. Helai kawngpui hmangtu tin-ten ngai pawimawha zawm theuh turin a hriattir a ni. Phai lama bungrua chahtute leh phurtute pawhin he kawngpui chhiat chhung hi chuan Motor lian (ke sawm leh ke sawm pahnjh neite) hmang lo hram hram turin ngen an ni bawk.

1. Kawnpui to Aizawl via Zanlawn, Sihphir, Durtiang etc.. kawngpui ah Lirthei lian (HMV, ke sawm leh ke sawm pahnih nei tiam lovin) te chu Zan dar 5:00 atanga atuk Zing dar 6:00 hma ngeia Aizawl lut hman tura tlan tur a ni.

2. Aizawl to Kawnpui via Zanlawn, Sihphir, Durtlang etc. kawngpuiah Lirthei lian (HMV) te chu Zing dar 8:00 atanga tlai lam dar 4:00 inkarah Aizawl khawpui tlan tlang lovin Zemabawk lam atangin Kawnpui lamah chauh tlan phal a ni: (Aizawl khawpui chhung a No Entry Period 7:00Am to 7:00PM chu a pangngai reng a kalpui a ni ang)

3. Sairang lam atanga Lirthei lian (HMV) lokal te chu Ch. Saprawnga Truck terminal thleng chauh a tlan theih ang. Tul bik thil ah chuan Vaivakawn kal tlanga tlan dan tur Traffic Police ten Zan lam dar 10:00 pelh hnuah a tul ruahmanna siamin Vaivakawn kaltlanga Aizawl khawpui chhung luh dan tur ail siam fel ang a, Zing dar 3:00 hnu lamah chuan Ch. Saprawnga Terminal atanga Vaivakawn paltlang a Company peng lama tlan phal a ni lo.

4. Temple to Vaivakawn ah Motor lian a chhuk leh chho zawnga tlan angaih dawn avangin Zan lam dar 9:00 leh Zing lam dar 7:00 inkarah Motor eng chi mah kawngpui dungah dah phal a ni lo.

5. Temple to Vaivakawn inkara Motor lian kal dan tur chu hetiang hian ruahman a ni : (1) Vaivakawn to Temple tlan theih hun 10:00PM to 2:30 AM (2) Temple to Vaivakawn 3:00AM to 6:30AM 6. 407 Truck leh MMV te chu Aizawl khawpui chhungah an lut duh anih chuan lungverh peng to Chhangurkawn via Sakawrtuichhun, Ramrikawn etc...kal tlangin Chhangurkawn atangin Zing dar 10:00 atanga Tlai lam 4:00 inkarah Khatla kawn via Chawnpui, Kanan, New Secretariat Complex etc.. panin an-tlan thei ang.

7. Aizawl atanga 407 Truck Sairang lam kal tur te chuan Zing dar 10:30 atanga Tlai dar 4:00 inkarah Temple Square to Company peng via Vaivakawn, Hunthar Veng etc.. an tlan thei ang.

8. Company Peng leh Vaivakawn inkarah 407 Truck leh a chunglam te chho zawngin Zing dar 7:00 atanga Zan dar 8:00 inkarah tlan chhoh phal a ni lo.

9. Luangmual lama Truck ruak Sairang lam pan tur te chuan Vaivakawn kaltlang in Zan lam dar 6:00 leh Zing lam dar 2:00 inkarah Ramrikawn to-Lungverh Road via Sakawrtuichhun ah tlan tur a ni.

He hriattirna hi ni 10.10.2016 atnaga a chunga sawi Kawng chhe lai siam that anih hma loh chuan hman tur a ni ang. Tin, a tul anga tih danglam theih ani bawk ang.

He thupek hian chhiatrupna thil kangmei leh emergency kaihhnawiha duty leh Dan leh thupek pawimawh bika Duty a chetvelna a huam lo ang.