Vawiin chawhnu dar 1:30PM khan Mizoram Legislative Assembly, Speaker Pu Hiphei chuan Siaha khawpui chhunga Damdawi in 2: District Civil Hospital leh Maraland Gospel Centenary Hospital ( MGCH) te,Hnuchham in 2: Motherless Baby’s Home leh Salvation Orphanage Home leh District jail te tlawhin, Krismas Duhsakna leh Krismas thilpek tangkafai Mizoram Chief Minister pual Rs2500/- leh amah leh achhungte pual Rs.3000/- avaiin Rs.5500/- theuh a hlan hlawm a ni. District Jail a tlawh lai hian Jail tangte chuan an mamawh hrang hrangte an lo thlen a, Speaker Pu Hiphei pawhin jail hotute kawmin a tih thei tur thilte chu tih sak ngei a tum thu a sawi.

Speaker Pu Hiphei hian nizan dar 6:00PM khan MTP ( Mara Thyutlia Py) Special Assembly; Khaihra Hall-a hmanah khuallian niin a hmanpui. He Special Assembly-ah hian MTP Hall nih thin khan “ Khaihra Hall” tih a thlak nghal a ni. Pu Hiphei fa hmingkoh Pu. Khaihra Chozah, MCS kha MTP Gen.Hqrs president a ni laia motor accident-a boral ta a ni a. MTP president chak leh remhria tih a sawi thin a ni a, Pu Hiphei chuan hetianga MTP Hall ni thin, a fapa hminga thlak han ni ta mai hi “an phu lo a ni” a ti.