Nalzawl khuaa NLUP hnuaia Oil Palm chingtute hmalakna vawiin khan Pi JH Lalparmawii,DIPRO hovin District Agriculture Office hotute leh MJA, Mamit ten an tlawh.

Vawiina NLUP hnuaia Oil Palm chingtu tlawh te hi Pu Zorampara leh Pu Warrento te an ni a. Anni hian NLUP 2nd Phase hnuaiah Rs.1,00,000/- an dawng ve ve a ni. Pu Warrento hian Oil Palm kung 850 a neih atangin kung 750 rah a seng thei tawh a, kum thum chhungin 7lacs chuang a lei tawhin Mamit District-ah a ti tha sawm zingah a tel a ni. Pu Zorampara thung hian Oil Palm kung 1350 a neih atangin kung 150 rah chauh a la seng thei a ni. Tunah hian Rs.2,15,135/- chuang a lei tawh a ni.

Oil palm chingtu tlawh te hian harsatna an neih te lo sawiin, chung zingah chuan an huan atanga oil palm rah kawngpuia an phurhchhuahna a hlat deuh avang leh metal road a la nih loh avanga an senso a tam thu sawiin an hlawk tur anga an la hlawk phak chiah loh thu a sawi.

Vawiinah hian MJA mamit hruaitute leh Pu T.Lalhmingmawia, SDAO te an tel a ni.