Vawiin khan Mizoram State Legislative Assembly Speaker Pu R Romawia leh Deputy Speaker Pu John Rotluangliana hovin Assembly Annexe Conference Hall-ah Assembly a hnathawk ten inhlanna leh infuihtharna hun an hmang.
Speaker Pu R Romawia chuan kum thar 2013 tluang taka Pathianin a hruai thleng chu a lawmawm takzet tiin he kumtharah hian mipui te rawngbawltu an nihna hrerenga thahnemngai taka hnathawk turin thawktu te a fuih a. Mahni hna ngaina leh tui te tan chuan thatchhiat leh dawngdah a theihloh, a ti. An la dai ngai loh kawng an zawhnaah kum kal ta zawnga hruaitu Pathianah beiseina nghat tlatin he kumtharah hian an tan hun tha a inher chhuah zel a beisei thu Speaker chuan a sawi a ni.
Deputy Speaker Pu John Rotluangliana pawhin thu sawiin Assembly Secretariat-a thawktu te inkungkaihna leh thawhhona boruak tha tak chu kum tharah chhawm nung zel turin a fuih a. Kum 2013 chhung hian thihna leh vanduaina in an chungah thla a zar loh a beisei thu a sawi a ni.
Infuihtharna inkhawm hi Assembly Secretariat Joint Secretary Pu SR Zokhuma’n a kaihruai a, Mizoram KVI Board Chairman Pu K Lianzuala pawhin he hun hi a hmanpui a ni. Pu Ngurthanzuala, Secretary leh Pu Vanlalnghenga, Additional Secretary ten thu an sawi bakah kum kalta a an thawhpui thi mi pathum te sunna hun an hmang nghal bawk a ni.
