No.6035/2020-2021

Aizawl, the 13th October 2020: Vawiin chawhma khan Speaker Pu Lalrinliana Sailo, bialtu MLA nibawk chuan October ni 2 leh 3 a leitawlhin kawngpui a tihchhiat a endik.

Speaker leh a zuituten leitlahniam an endik hnu hian Phullen Community Hall-ah Phullen BDO Lalrinawma Khiangte kaihhruaiin vantlang inkhawmna tawi neih a ni a. He hunah hian Speaker Pu Lalrinliana Sailo chuan leimin avanga chhiatna tawkte a tawrhpui thu sawiin chhawmdawlna sawrkar atanga awm thei te pawh ruahman mek a ni a ti a. Kawng bal avanga khawchhung mipuite harsatna tur te pawh a hriatthiampui thu a sawi a.Leitlahniam a hmuna endiktu DDMA, DM&R, PWD leh Geology & Mineral Resources atanga Official ten an thil hmuhdan te an thlirho leh hnuiin a a tul anga hmalak a ni dawn a ni a ti.

Phullen khuaa leitawlh hi October ni 2 & 3 chhunga a thleng kha a ni a. He leitawlh hian Phullen Presbyterian Kohhran Biakin  hnuai chiah kawngpui(highway) a la bal vek a. Tunah hian khawchhung inkalpawhna kawng pakhat chiah a awm mek a ni. Geologist te pawhin vawiin khan  an hmanrua te nen Phullen leitawlh endik leh zirchian hna an thawk a nghal a. He an zirchianna te hi uluk taka endik zui a ni dawn a. Leitlahniam endiknaah hian Speaker hi Pu VL Hruaizela Khiangte, Saitual Bawrhsap, Pu Vanlalchhuana, SE, Eastern Circle, PWD, Pu Lalrinawma Traite, Joint Director, DM&R, Pu H. Lalbiakkima, Joint Director, G&MR, Pu Lalchungnunga, EE, PWD, Saitual leh official dang ten an tawiawm a ni.