No.6034/2020-2021

Mamit 13th October, 2020 : Vawiin khan Darlak Community Hall-ah Assistant Registrar Cooperative Societies (ARCS), Mamit District buatsaihin Pradhan Mantri Vandhan Yojana (Vandhan Mission) chungchang leh loneitute thlai chin dan, a enkawl dan inzirtirna leh inhrilhhriatna hun hman a ni a. Dr. Lalrozama, IAS, Mamit District Bawrhsap- chuan khuallian niin he hun hi a hmanpui.

Khuallian chuan Training-tura kalkhawmte chu tih takzeta Training turin a chahin Training-na hmun ngeiah thiam tur ang chi te leh hriat tur pawimawh ang chi te hriat tum a, rilru-a zawhna awm ang chi reng reng chu zawt hreh lo turin a chah a. Vandhan Scheme chu a hlawhchham thiang lova, District Level Monitoring Committee- atangin uluk taka enzuia vilzui anih dawn thu a sawi bawk. Lian taka bultan hluai theih a ni lo va, amaherawhchu kan dinhmun siam tha chho hret hret zel tur kan nih thu sawiin he scheme a hlawhtlin ngei theih nan a enkawltu Department, Cooperative Department leh Darlak Integrated Fishery Farming Co-op, Society Member zawng zawngte a chah a ni.

Pu Lalthangfala, Nodal Officer, Vandhan Mission Mamit- chuan Technical Report pein Darlak Integrated Fishery Co-op, Society kaltlangin Kuhva Nuai 5 scoop theihna tanky siam a ni dawn a, tun atanga reiloteah kan Kuhva tharchhuahte helai hmun ngeiah scoop theiha siam a nih dawn thu a sawi. Society Member 300-te hi an zavaiin an Bank Account leh Aadhar link vek anih tawh thu a sawi a, Beneficiary- te hian an Kuhva hring tharchhuahte Kg 1 Rs 30/- zela an hralh theih dawn thu leh Kuhva ro Kg 1 Rs 200/- a an hralh theih dawn thu a sawi bawk a ni.

Vawiin Training-hi chawhma leh chawhnu a then niin zawhna leh chhanna hun tha tak hman a ni.

Vawiin Training- hi Pu Vanlalmaka, Chairman, Darlak Fishery Co-op. Society chuan kaihruaiin Pu Vanlaldawla, Focus Agriculture Department, Mamit-in kalkhawmte zirtirna a pe a. He hunah hian loneitute bakah Darlak khawtlang hruaitute an tel a ni.